කලක් ඇවෑමෙන් පෙරුම් පුරා
සැසෙදෙන පිවිතුරු සිතක් සොයා
සසර ගෙවා ආ පැතුම් පුරාගෙන
ඔබ හමුවී නව කෙනෙක් වුණා
කලක් ඇවෑමෙන් පෙරුම් පුරා
මා සිටියා මඟ දෙනෙත් අයා
සිහින විමානෙන් ඔබ ඇවිදින් අද
මා හදවත මල් ලොවක් කළා
ජීවිතයක සෙනෙහස බැඳිලා
ආදරයක සෙවණැලි අතුරා
මා හදවත විසිතුරු කරලා
ඇඳි සිතුවම් නොමයයි මැකිලා
ආදර දෙවොලේ සීනු හඞින්
මා සිත ඔබ වෙත කැදවනවා
සීතල මීදුම් සේල ඉරා
ගත දවටාගෙන ම එනවා